“გუდაურში “საწყალი“ არავინ ისვენებს… ძალიან კარგი, თუ ხაჭაპური 45 ლარი ღირს…”- რას წერს დათო ლიკლიკაძე

ზამთრის საკურორტო სეზონზე, სხვადასხვა პროდუქტების გაზრდილ ფასებზე სოციალურ ქსელში ბევრს წერენ.

ამ ფაქტს, ჟურნალისტი, დათო ლიკლიკაძე ეხმაურება:

„ვიცი, ბევრი ვერ გაიზიარებს ამ მოსაზრებას. ბევრიც საერთოდ ვერ მიხვდება რას ვამბობ, მაგრამ მაინც უნდა ვთქვა.

ძალიან კარგი თუ ხაჭაპური 45 ლარი ღირს გუდაურში.

ევროპის ბევრ ქვეყანაში უბრალო წახემსება 45 ევრო გვიჯდება. დიდი ამბავი ახლა ტურისტმა 45 ლარი თუ დახარჯა. ასე რომ რას იტყვიან უცხოელები, მოგვეჭრა თავი, ეს ასე არ არის.

რაც შეეხება საწყალ ქართველებს, უკაცრავად, მაგრამ „საწყალი” არავინ ისვენებს სეზონზე გუდაურში.

დიახ 45 ლარი უნდა ღირდეს და გამდიდრდნენ ადგილობრივი მცხოვრებლებიც უცხოელების ხარჯზე.

და ვინც მაინც ღელავთ ასე ძვირ ხაჭაპურზე, თქვენ აიტანეთ ყველი ზღვის დონიდან 2 100 მეტრზე, მინუს 10 ყინვაში და დაუგდეთ ფასები”, – წერს დათო ლიკლიკაძე სოციალურ ქსელში.

წყარო: https://www.stily.ge/